Արցախի Հանրապետության Նախագահ Բակո Սահակյանն ապրիլի 9-ին ընդունել է «Բարգավաճ Հայաստան» կուսակցության պատվիրակությանը՝ կուսակցության նախագահ Նաիրա Զոհրաբյանի գլխավորությամբ: Այս մասին տեղեկացրին Արցախի Հանրապետության նախագահի աշխատակազմի տեղեկատվության գլխ ավոր վարչությունից:
Հանդիպմանը, որին մասնակցում էր ԼՂՀ Ազգային Ժողովի նախագահի տեղակալ Վահրամ Բալայանը, քննարկվել են ներքին և արտաքին քաղաքականությանն առնչվող մի շարք հարցեր:
Հատուկ ուշադրության կենտրոնում են եղել ղարաբաղա-ադրբեջանական սահմանում ապրիլի 1-4-ը հակառակորդի կողմից սանձազերծված լայնածավալ պատերազմական գործողություններին և դրանց հետևանքներին վերաբերող հարցեր:
Նախագահ Սահակյանը նշել է, որ օրհասական պահին ողջ հայ ժողովուրդը ցուցաբերեց օրինակելի միասնականություն՝ կարևորելով այս գործում նաև քաղաքական ուժերի դերակատարությունը:
