«Ազատություն ռադիոկայանի» լրագրողները հայտնել են Ուկրաինայի նախագահ Պյոտր Պորոշենկոյի ևս 5 օֆշորների մասին: Այս մասին նրանք հաղորդել են «Սխեմաներ» ծրագրում:
Հետաքննության արդյունքում պարզվել է, որ Պորոշենկոյին պատկանող «Ուկրպրոմինվեստ» ընկերությունների խումբը մշտապես իր բիզնեսում օֆշորներ է օգտագործել, այդ թվում՝ մեքենայական օպերացիաների համար:
Մասնավորապես, լրագրողները հղում են անում 2003 թ. Ուկրաինայի նախագահի մի քանի ֆիրմաների դեմ հարուցված քրեական գործի նյութերին, որոնք կասկածվում են հարկերի վճարումից խուսափելու համար:
Գործում նշված է Agroprodimpex ընկերությունը, որը, ինչպես պնդում են, ներգրավված է ուկրաինական մի շարք ձեռնարկությունների «հարկահանության նվազագույնի հասցնելու հանցավոր սխեմաներում»: Այն մինչև հիմա Պորոշենկոյի բիզնեսի մաս է:
Հետաքննության տվյալներով՝ երկրի բյուջին հասցվել է 25 մլն գրիվենի վնաս:
ՆԳՆ-ն հույս է ունեցել հետաքննությանը ներգրավել Ինտերպոլին, սակայն ինչպես հայտնում է «Ազատություն ռադիոկայանը»՝ 2004 թ. քրեական գործը փակել են անհայտ պատճառներով:
Հետաքննող լրագրողների միջազգային կոնսորցիումը (ICIJ) կիրակի հրապարակել էր հատվածներ 11.5 մլն փաստաթղթերից, որոնք վերաբերել են մի շարք գործող և նախկին համաշխարհային առաջնորդների օֆշորային հաշիվների։ Հաշվետվությունները, որոնց տրվել էր «Պանամայի փաստաթղթեր» անվանումը, հիմնված են Mossack Fonseca-ից տեղեկատվական արտահոսքի վրա, որն իրավաբանական աջակցություն է ցույց տալիս օֆշորային գոտիներում ընկերությունների գրանցմանը։
