Spletnik.ru-ի փոխանցմամբ՝ աշխարհի ամենաերիտասարդ միլիարդատիրոջ հետ ամուսնանալը յուրաքանչյուր աղջկա երազանքն է։ Միայն թե մամուլի տեղեկություններով՝ Միրանդա Քերի ուրախությունը փոքր-ինչ մթագնել է։
Իր սիրեցյալ Էվան Շպիգելն ամուսնության առաջարկից առաջ նրան առաջարկել է ստորագրել ամուսնական պայմանագիր, ընդ որում՝ բավական կոշտ պայմաններով։
Star պարբերականի տեղեկություններով՝ Միրանդան ու Էվանը, որոնք հանդիպում են մեկ տարուց էլ պակաս, մի քանի ամիս առաջ պայմանավորվել են հնարավոր ամուսնության մասին։ Եվ երբ 32-ամյա մոդելը սպասում էր բաղձալի մատանիով տուփին, Snapchat-ի 25-ամյա հիմնադիրը նրան ներկայացրել է ամուսնական պայմանագրի սևագիրը։
Էվանի իրավաբանները ձգտել են պայմանագիրը կազմել այնպես, որ Միրանդան ամուսնալուծության դեպքում մնա ձեռնունայն։
Միրանդան անգամ սկզբում ծիծաղել է՝ լսելով, թե ինչ են առաջարկում իրեն, սակայն հետագայում հասկացել է, որ դա լուրջ է, և այլայլվել է։ Շպիգելի կարողությունը գնահատվում է 2 միլիարդ դոլար, իսկ նրա պոտենցիալ ամուսնու կարողությունը՝ 38 միլիոն դոլար։ Միևնույն ժամանակ հաղորդվել է, որ եթե Միրանդան ու Էվանը ողջ կյանքն ապրեն երջանիկ ու համատեղ, ապա Միրանդան որևէ բանի կարիք չի ունենա, քանի որ գործարարը գումարներ չի խնայում իր սիրելիի համար։
