Ադրբեջանի պետական նավթային ընկերությունը` SOCAR-ը, դադարեցրել է 2015 թվականին միջազգային աճուրդ հայտարարած գազային «Ումիդ», «Բաբեկ» գազային նախագծերը: Այս մասին հայտարարել է SOCAR-ի նախագահ Ռովնագ Աբդուլլաևը՝ փոխացնում են ադրբեջանական ԶԼՄ-ները։
Նրա խոսքով` դա արվել է նավթի համաշխարհային գների անկման հետևանքով նախագծերի վրա ծախսերի` ենթադրվող եկամուտներից ավելի մեծ լինելու պատճառով:
«Նավթի ցածր գները հարկադրում են նվազեցնել նախագծերի վրա ծախսերն ու ներդրումները, ինչը խոչընդոտում է հիշյալ նախագծերի իրականացմանը», -ասել է նա:
The Financial Times թերթը գրում է, որ Ադրբեջանի արտահանման 95 տոկոսից ավելին կազմում են գազը, նավթն ու նավթամթերքները, իսկ երկրի պետբյուջեն 75 տոկոսով ձևավորվում է էներգակիրների արտահանումից ստացվող եկամուտների հաշվին:
