Երեկ Առնո Բաբաջանյան համերգասրահում տեղի ունեցավ դիզայներ-մոդելավորող Վահան Խաչատրյանի հիմնադրած « Vahan Khachatryan. Atelier Haute Couture»՝ «Վահան Խաչատրյան բարձր նորաձևության կենտրոնի» հագուստների հավաքածուի ցուցադրությունը:
Armstar.am-ի փոխանցմամբ՝ դիզայները ցուցադրությունը կազմակերպել էր այնպես, որ դրանք ներկայացնում էին նաև Հայաստանի տարբեր տարիների «Միսս»-երը՝ Անգելինա Բաբաջանյանը, Գոհար Հարությունյանը, Իրինա Թովմասյանը, և բոլորն իրենց երեխաների հետ: Ցուցադրության առաջին և վերջին՝ հարսանյաց զգեստը ներկայացրեց «Միսս Հայաստան-2003» և «Վիցե միսս Եվրոպա-2005» Լուսինե Թովմասյանը, ով Վահան Խաչատրյանի հեղինակած հիմնական հագուստները ներկայացնող մոդելն է:
