«Ազատամարտիկների դաշինք»- ը, քննարկելով հակամարտության գոտու ամբողջ երկայնքով աննախադեպ մարտական գործողությունների սկսվելու փաստը, հանդես է եկել հայտարարությամբ, նշելով, որ պատրաստ է մոբիլիզացնելու իր ռեսուրսները՝ այս դժվարին պահին մեր հայրենիքի սահմանները թշնամու ոտնձգությունից պաշտպանելու և մեր զինվորի կողքին լինելու համար:
Ազատամարտիկ, Ապարանի ջոկատի հրամանատար Ռազմիկ Պետրոսյանի խոսքով՝ 94թ. զինադադարը հնարավորություն տվեց կողմերին՝ պատրաստվելու հաջորդ պատերազմին, և հիմա ժամանակն եկել է, որ ցույց տան, թե ով է ավելի լավ պատրաստվել:
«Մենք՝ ազատամարտիկներս, հակված էինք մտածելու, որ ինչքան շուտ լիներ այս բռնկումը, այնքան լավ, քանի դեռ մենք տարեց չենք», «Առաջին լրատվական»- ի հետ զրույցում նշեց ազատամարտիկը և հավելեց, որ էստաֆետը հպարտությամբ հանձնել են, և հպարտանում են մեր բանակի մարտական ոգով. «Հոգեբանորեն հաղթացծի կերպարն արտացոլվում է մեր զինվորների աչքերում»:
Որևէ մեկը երկրից խռովելու իրավունք չունի. այսպես է մտածում ազատամարտիկը և կոչ է անում. «Մենք էսօր պետք է հավաքվենք իրար շուրջ, նորից միասին տեր կանգնենք մեր սահմաններին, մեր Արցախին»:
Ռ. Պետրոսյանի կարծիքով՝ ռազմական տեխնիկաները կրճատում են պատերազմի տևողությունը, բացի դրանից՝ միջազգային հանրության միջամտությունը ևս թույլ չի տա երակարաժամկետ պատերազմ:
Մանրամասները՝ տեսանյութում:
