Lenta.ru-ի փոխանցմամբ՝ ամերիկացի դիետոլոգները ցույց են տվել, որ լոբազգիների օգտագործումը հանգեցնում է մարմնի ավելորդ քաշի կայուն անկման ու ստացված արդյունքի ամրապնդման։ Հեղինակները հետազոտության արդյունքները հրապարակել են The American Journal of Clinical Nutrition-ում։
Գիտնականներն առաջարկում են ամեն օր օգտագործել 130 գրամ լոբազգի։ Դա բավարար է վեց շաբաթվա ընթացքում 340 գրամ ավելորդ քաշ կորցնելու համար։ Ամեն օր լոբազգիների օգտագործումը չի առաջացնի ավելորդ քաշ։
Գիտնականների անցկացրած հետազոտությանը մասնակցել են 940 չափահաս տղամարդ ու կին։ Հարցվածներից յուրաքանչյուրը վեց շաբաթվա ընթացքում իր առօրյա սննդակարգում ավելացրել է լոբազգիներ։ Դա հանգեցրել է նրան, որ մասնակիցներից յուրաքանչյուրը միջին հաշվով նիհարել է 340 գրամով։
