«Եվրանեսթ» խորհրդարանական վեհաժողովում ՀՀ ԱԺ պատվիրակության անդամներն այսօր ԱԺ-ում լրագրողների հետ հանդիպմանը ներկայացրին «Եվրանեսթ» ԽՎ-ի 5-րդ լիագումար նիստի աշխատանքների մանրամասները:
Արդեն յոթ ամիս է՝ Ադրբեջանը դիմում է ներկայացրել «Եվրանեսթից» դուրս գալու համար և չէր մասնակցում նիստին: Բնականաբար բոլորս գիտակցում էինք, որ երբ հայկական կողմը նախահարձակ է լինում, անպայման դիմադրության է արժանանալու մյուսների կողմից, քանի որ սովորություն է ձևավորվել, որ եթե Հայաստան են ասում, ստորակետ են դնում և միանգամից Ադրբեջան բառն են ասում: Եվ մենք պետք է կարողանայինք այդ խնդիրը լուծել, ասել, որ մենք երկվորյակ չենք, զույգ չենք, մենք տարբեր երկրներ ենք»: Այս մասին լրագրողների հետ զրույցում ասաց հայկական պատվիրակության անդամ Թևան Պողոսյանը:
Նա նաև նշեց, որ «Եվրանեսթ» գործընկերները պետք է միջազգային հանրությանը և ԼՂՀ հակամարտության երեք կողմերին ներկայացնեին կոչ՝ զերծ մնալ զինադադարի խախտումից, ատելություն արտահայտող բառապաշարից, գիտակցել, որ լուծում կարող է լինել միայն խաղաղ պայմաններում»:
Թ. Պողոսյանի հավաստմամբ՝ ապրիլին «Եվրանեսթ»-ի գործընկերները ցանկանում են մեկնել Ադրբեջան՝ նրանց հետ բանակցելու և կոչ անելու՝ վերադառնալ «Եվրանեսթ»-ի շրջանակ»:
Մանրամասները՝ տեսանյութում:
