Ադրբեջանական Turan լրատվական գործակալության փոխանցմամբ՝ ԵԽԽՎ-ի նախագահ Պեդրո Ագրամունտը ողջունել է Ադրբեջանի Գերագույն դատարանի այսօրվա որոշումը, որով ազատության մեջ է հայտնվել իրավապաշտպան Ինթիգամ Ալիևը։
Ագրամունտն այդ մասին գրել է Twitter-ի իր միկրոբլոգում։ Ագրամունտը Ադրբեջանի Գերագույն դատարանի այսօրվա որոշումը որակել է որպես ճիշտ քայլ։
Սրանից առաջ հաղորդվել էր, թե Ինթիգամ Ալիևը, որին 2014 թվականին տնտեսական հանցանքների համար դատապարտել էին 7․5 տարվա ազատազրկման, դատարանի այսօրվա որոշմամբ ստացել է 5 տարվա պայմանական ազատազրկում և հայտնվել է ազատության մեջ։
