Թուրքական Haberturk պորտալի փոխանցմամբ՝ Թուրքիայի անվտանգության ուժերը 2015 թվականի հուլիսից վնասազերծել են երկրում արգելված «Քրդստանի աշխատավորական» կուսակցության (PKK) 5359 անդամի։ Այս մասին Ստամբուլի ռազմական ակադեմիայում հայտարարել է Թուրքիայի նախագահ Ռեջեփ Էրդողանը:
«Հուլիսից տարվող հակաահաբեկչական գործողություններում մինչ այսօր մենք կորցրել ենք 355 մարդու, որոնցից 215-ը զինվորական են, 133-ը՝ ոստիկան, 7-ը՝ անվտանգության աշխատակից։
Սակայն մենք անպատիժ չենք թողնի մեր հերոսների թափած արյունը։ Նույն ժամանակահատվածում երկրի ներսում ոչնչացվել, վիրավորվել և ձերբակալվել է 5359 ահաբեկիչ»,- ասել է Էրդողանը։
