ԱՄՆ նախագահ Բարաք Օբաման հրաժարվել է Թուրքիայի նախագահ Ռեջեփ Թայիփ Էրդողանի հետ անձնական հանդիպումից, որն առաջիկա օրերին այցով կլինի ԱՄՆ-ում՝ միջուկային անվտանգության հարցերով գագաթնաժողովի աշխատանքին մասնակցելու նպատակով: Այս մասին հայտնում է The Wall Street Journal-ը:
ԱՄՆ վարչակազմում պարբերականի աղբյուրների տեղեկացմամբ՝ Օբաման մերժել է Էրդողանի հայտը՝ « մասնակցելու մզկիթի բացմանը, որի շինարարությունը ֆինանսավորել է Թուրքիան»: Բացի դրանից՝ «ԱՄՆ նախագահը թուրք գործընկերոջ հետ դեմառդեմ պաշտոնական հանդիպման ծրագրեր չունի, որը կենսականորեն կարևոր դաշնակից է ԴԱԻՇ-ի դեմ պայքարում»,- հայտնում է պարբերականը:
Միաժամանակ Սպիտակ տանը նշում են, որ հանդիպումից հրաժարումը չպետք է անհարգալից վերաբերմունք դիտել:
