Համացանցում տարածում է գտնում լուսանկար, որում պատկերված է ԱՄՆ նախագահի թեկնածու Դոնալդ Թրամփի տապանաքարը Նյու Յորքի Կենտրոնական պարկում: Այս մասին հայտնում է Daily Mail-ը:
Տապանաքարի վրա փորագրված է «Ամերիկային ստիպենք նորից ատել» գրությունը, որն անդրադարձ է Թրամփի նախընտրական արշավի «Ամերիկան նորից մեծ դարձնենք» նշանաբանին:
Քարի վրա նաև կա միլիարդատիրոջ ծննդյան թիվը՝ 1946 թ., սակայն բացակայում է մահվան ամսաթիվը:
Նշվում է, որ ցերեկը Կենտրոնական պարկում տապանաքարի ոչ մի հետք չի եղել: Ավելի ուշ ԶԼՄ-ները հայտնել են, որ լուսանկարը ստացվել է ֆոտոշոփի միջոցով:
