IAC (InterActive) մեդիաընկերությունը մտադիր է վաճառել իրեն պատկանող Newsweek ամսագիրը՝ հաղորդում է Variety թերթը:
Ընկերությունն ամսագիրը ձեռք է բերել 2010թ.-ին՝ ներդրող Սիդնեյ Հարմանի հետ համաձայնագրի շրջանակներում, որն ավելի վաղ այն ձեռք էր բերել Washington Post-ից: Հարմանն այն ժամանակ Newsweek-ի համար վճարել էր 1 դոլար և իր վրա վերցրել ամսագրի ֆինանսական ծախսերը:
Նույն ձևով՝ սիմվոլիկ վճարում և ֆինանսական ծախսերի իրականացում, կանցկացվի Newsweek-ի կրկնակի վաճառքը:
IAC-ի ներկայացուցիչները դեռևս հրաժարվել են պաշտոնապես հաստատել կամ հերքել ամսագիրը վաճառելու մասին լուրերը: Սակայն որոշ ժամանակ առաջ ընկերության տնօրեն Բարի Դիլերը իր հարցազրույցներից մեկում խոստովանել է, որ Newsweek-ը ձեռք բերելը սխալ քայլ էր:
