ՀԺԱՄ կուսակցությունը ներկայացնող Տիգրան Գալստյանը կառավարության աշխատակազմի ղեկավար-նախարար Դավիթ Հարությունյանին հարցրեց,. «Օրենսգրքի 84-րդ հոդվածի համաձայն, կուսակցությունները, դաշինքի համապետական ընտրական ցուցակի առաջին մասում ընդգրկում են ոչ պակաս 80, ոչ ավելի, քան 300 թեկնածու: Տարածքային ընտրական ցուցակներում կուսակցությունը պետք է ունենա նվազագույնը 65 թեկնածու, ինչը փոքր կուսակցությունների համար արհեստական խոչընդոտ է, արգելք է հանդիսանում: Օրինակ, ՀԺԱՄ-ը եթե ներկայացված չի Շիրակի մարզում, մեր մուտքը արգելվում է, տաբու է դրվում մեր առաջ»:
Դավիթ Հարությունյանը պատասխանեց. «Դուք հավակնում եք հավաքել ձայների 5 տոկոսը, այսինքն, 70 հազար ձայն ձեր օգտին ենթադրում եք ստանալ, բայց դուք կարծում եք, որ չեք կարող ունենալ 80 հոգի կամ ամեն մարզում 5-ական հոգի: Ներեցեք, բայց ԱԺ-ն լուրջ եւ մեծ կուսակցությունների տեղ է:
Կան երկրներ, որտեղ ցուցակներով են մասնակցում կուսակցությունները, ընդգրկելով մարդկանց, որոնց մասին ոչ ոք չի լսել, բացի այդ կուսակցության անդամներից: Սա ոչ թե ժողովրդավարական գործընթաց է, այլ հակաժողովրդավարական:
Ընտրողին դնում է շփոթության մեջ: Այնպես որ, կարծում եմ, ԱԺ-ն առնվազն այն կուսակցությունների տեղն է, որոնք կարող են ունենալ 80 կուսակցության անդամ և ամեն մարզում առնվազն 5 անդամ»:
Մանրամասները՝ տեսանյութում:
