Թուրքիայի հարավարևելյան Մարդին քաղաքում ոստիկանության հատուկ գործողության ժամանակ առգրավվել է 2 տոննա 850 կգ ամոնիակի նիտրատ, որն օգտագործում են պայթուցիկի տարրեր պատրաստելու համար: Այս մասին հաղորդում է Son Dakika-ն:
Հատուկ գործողությունն անցկացվել է մարտի 13-ին Անկարայում տեղի ունեցած ահաբեկչության հետաքննության շրջանակներում:
«Հետաքննության ներկայացուցիչները պարզել են PKK-ի հետ կապված և Անկարայի ահաբեկչությանը հնարավոր մասնակցություն ունեցած կասկածյալների բնակության վայրը: Պարզվել է, որ նրանց տան մի մասն օգտագործվել է որպես պահեստ՝ ամինային սելիտրա պահելու համար, որը պայթուցիկ նյութ է»,- ասվում է հաղորդագրությունում:
