Սիրիայի հարցով ՄԱԿ-ի հատուկ բանագնաց Ստաֆան դե Միստուրան հույս ունի, որ երկրի նոր նախագահը կարող է կին լինել։ Այս մասին փոխանցում է RIA Novosti-ն։
Մամուլի ասուլիսի ժամանակ Միստուրան հայտարարել է, որ իշխանության քաղաքական փոխանցման մասին հարցը կլինի միջսիրիական բանակցությունների հիմնական թեմաներից մեկը։ Սիրիայի կառավարությունը հայտարարել է, որ չի քննարկի բանակցություններին պետության ղեկավարի արտահերթ ընտրությունները, չնայած դե Միստուրան ավելի վաղ առաջարկել էր նման ընտրություններ անցկացնել 1.5 տարվա ընթացքում։
Դե Միստուրայի մամլո քարտուղար Ահմադ Ֆավզին հավելել է, որ երկրում ցանկացած ընտրությունների ելքը կախված է բացառապես սիրիացի ժողովրդի կամքից։
Այսօր Ժնևում վերսկսվել են լիաֆորմատ միջսիրիական բանակցությունները։
