Թուրքական Son dakika լրատվական կայքի փոխանցմամբ՝ Իրաքի կառավարության որոշմամբ դադարեցվել է «Քիրքուկ-Յումուրթալըք» (Ջեյհան) խողովակաշարով Թուրքիային նավթ մատակարարելը։ Ընդգծվում է, որ նավթի մատակարարումը կասեցվել է երեք օր առաջ։ Այդ մասին հայտնել են երկու առանձին աղբյուրներ։
Աղբյուրներն ընդգծել են, որ տեխնիկական որևէ խնդիր չկա, և որ նավթի մատակարարումը կասեցնելու մասին որոշումն ընդունել է Բաղդադի կենտրոնական կառավարությունը։ Հյուսիսային Իրաքում արդյունահանված նավթը որոշվել է պահեստավորել։
Հիշեցնենք, որ Թուրքիան 2014 թվականի դեկտեմբերի 4-ին տանկային մեկ գումարտակ է տեղակայել Հյուսիսային Իրաքում՝ Մոսուլի մոտ գտնվող Բաշիքայի ճամբարում, և չնայած Իրաքի իշխանությունների պահանջներին ու սպառնալիքներին՝ հրաժարվում է իր զորքը դուրս բերել հարևան երկրից։
