Քիմ Քարդաշյանի մերկ սելֆիի շուրջ սկանդալն ընդլայնվում է՝ գրում է lady.tsn.ua-ն: Երբ Քիմը Instagram-ում հրապարակեց իր ամբողջովին մերկ լուսանկարը, նրան քննադատեցիեն հոլիվուդայն որոշ աստղեր: Նրանք վրդովված են այդքան բաց լուսանկարից:
Սակայն Քիմին պաշտպանում են հոլիվուդյան շատ հայտնի դեմքեր ՝ Էմիլի Ռաթաժկովսկին, Մայլի Սայրուսը, Դեմի Լովատոն, Ռոուեն Բլանչարդը, Էբիգեյլ Բրեսլինը և այլն:
«Դա նրա գործն է, նրա կարիերան, վերջ տվեք սեքսիզմին: Ինչո՞ւ է ձեզ թվում, թե նրան ինչ-որ մեկը ստիպում է այդպես անել»,- գրել է Ռաթաժկովսկին իր թվիթերյան էջում:
Մայլի Սայրուսն աջակցել է Քիմին՝ Instagram-ում Քարդաշյանի հետույքի տեսքով էմոձիից կադր հրապարակելով և մակագրելով. «Թանկագին կանայք, ինչու մենք գոնե մեկ օր մի կողմ չթողնենք բոլոր տարաձայնությունները ու ժամանակը չնվիրենք սիրուն ու Կանանց միջազգային օրը նշելուն: Ինչո՞ւ միասին չհավաքվենք ու չստեղծենք այն, ինչը կօգնի կարիքավոր կանանց և նրանց ընտանիքներին: Չնայած նրան, թե մենք ինչքան շատ ենք աշխատում՝ մենք երբեք չենք զգա, թե իրականում ինչ հարմարավետ ենք մենք ապրում: Որովհետև կան մարդիկ, որոնք ստիպված են քնել մայթերին՝ միայն երազելով այն բաների մասին, որոնք մենք սովորական ենք համարում: Ես սիրում եմ բոլոր կանանց»:
Ռոուեն Բլանչարդը միացել է Քիմին պաշտպանողներին. «Ինչո՞ւ են ֆեմինիստուհիները միշտ զայրանում՝ տեսնելով կանանց, որոնք հպարտ են իրենց մարմնով: Պետք չէ աղջիկներին սովորեցնել՝ ինչպես է պետք ընկալել իրենց և ինչպես օգտագործել սելֆին: Աղջիկներին վերահսկողություն պետք չէ: Մերկ աղջիկները նորություն չեն»:
Դեմի Լովատոն համացանցում նկար է հրապարակել, որը մակագրել է. «Ինչ-որ մեկին զարդարում է բացությունը, ինչ-որ մեկին էլ՝ համեստությունը: Տարբեր կանանց տարբեր բաներ են զարդարում, և դուք իրավունք չունեք նրանց ասելու՝ ինչ անել»:
«Մարդը, որը փորձում է ղեկավարել կնոջն ու նրան խորհուրդներ է տալիս, կարող է ոչ ճիշտ լինել: Պետք չէ դատել կնոջը, երբ տղան լուսանկար է հրապարակում, որում երևում է, թե նա ինչ «թեժ է», ամեն ինչ լավ է, բայց երբ դա անում է կին, դա վատ օրինակ են անվանում»,- նշել է Էբիգեյլ Բրեսլինը:
Բելլա Թորնը նշել է. «Կարծում եմ՝ յուրաքանչյուր կին պետք է ընտրություն ունենա, թե ինչ անել իր մարմնի հետ»:
«Ոչ ոք ամոթանք չտվեց Ջասթին Բիբերին, երբ նա հրապարակեց իր մերկ լուսանկարները, ուրեմն ինչո՞ւ կարելի է ամաչեցնել Քիմին»,- գրել է Էրիեր Վինտերը:
