Սիրիայի հարցով ՄԱԿ-ի հատուկ պատվիրակ Ստաֆան դե Միստուրան կոչ է արել Դամասկոսին և ընդդիմությանը՝ կանանց ներառել ժնևյան բանակցությունների պատվիրակությունների կազմում և թույլ տալ նրանց արտահայտելու իրենց կարծիքը։ Այս մասին հայտնում է TASS գործակալությունը։
Կանանց միջազգային օրվան նվիրված տեսաուղերձում նա ընդգծել է, որ սիրիացի կանայք պետք է իրավունք ունենան մասնակցելու քաղաքական գործընթացին և բանակցություններին, որոնք ծրագրված է վերսկսել մարտի 9-ին։
«Նրանք Սիրիայի ապագայի, ներկայի ու անցյալի մասն են։ Նրանք ունենք ասելիք, մեզ սովորեցնելու բան ունեն»,- ասել է դե Միստուրան։ 69-ամյա իտալացի դիվանագետը հայտնել է, որ սիրիացի կանանցից հատուկ հանձնաժողով է կազմել, որն իրեն խորհուրդներ կտա, որոնց վրա կկենտրոնանա պետական կառավարման, սահմանադրական բարեփոխումների և ընտրությունների կազմակերպման հարցերի քննարկման ժամանակ։
