Ամերիկացի ծրագրավորող Ռեյ Թոմլինսոնը, ում համարում են էլեկտրոնային փոստի ստեղծող, մահացել է կյանքի 75-րդ տարում։ Այս մասին հայտնում է BBC-ն։
Ենթադրաբար, նրա մահվան պատճառ է դարձել սրտի կաթվածը։
1971 թվականին հենց նրա գլխում է հղացել էլեկտրոնային հաղորդագրություններ ուղարկելու գաղափարը։ Թոմլինսոնը նաև առաջարկել է կիրառել @ նշանը՝ որոշակի համակարգերին փոստային հասցեների պատկանելությունը նշելու համար։
Նա առաջին հաղորդագրությունն ուղարկել է Բոստոնում Bolt, Beranek and Newman ընկերությունում ինժեներ աշխատելիս։ Թոմլինսոնի խոսքով՝ ինքը չի հիշել, թե ինչ է գրել առաջին հաղորդագրությունում՝ անվանելով այն «միանգամայն չհիշվող»։
2012 թվականին Թոմլինսոնը ներառվել է Համացանցի փառքի սրահում։
