Համացանցում հայտնվել է տեսանյութ, որում երևում է, թե ինչպես է Ուկրաինայի արտգործնախարար Պավել Կլիմկինը «նորմանդական քառյակի» արտգործնախարարների բանակցությունների ժամանակ լուսանկարվելու արարողության ընթացքում փորձում կանգնել Ֆրանկ-Վալտեր Շտայնմայերի տեղը՝ ԵՄ դրոշի մոտ։ Այս մասին հայտնում է RIA Novosti-ն։
Սակայն արդյունքում Կլիմկինը զբաղեցրել է Ուկրաինայի դրոշի առջև հատկացված տեղը՝ Ռուսաստանի արտգործնախարար Սերգեյ Լավրովի կողքին։
«Ստիպված ես կողքիս կանգնել»,- հեգնական նկատել է Լավրովը։
Ավելի ուշ Ուկրաինայի նախարարը մեկնաբանել էր իրավիճակը Twitter-ում՝ նշելով, որ իրեն առաջարկեցին խորհրդանշական կերպով կանգնել Էյրոյի և Լավրովի միջև, սակայն «ըստ ամենայնի դա Ռուսաստանի հետ ոչ մի առաջընթացի չի նպաստի»՝ գրել է նա։
