Շուրջ մեկ ամիս առաջ դրամահավաք է սկսվել Գյումրեցի 13 անօթևան ընտանիքներին բնակարանով ապահովելու հարցը լուծելու համար: Արդյոք նորանշանակ մարզպետը փորձելո՞ւ է աջակցել այս ծրագրին. «Առաջին լրատվական»-ի այս հարցին ի պատասխան՝ Գյումրիի նորանշանակ մարզպետ Հովսեփ Սիմոնյանը պատասխանեց, որ մարզպետարանը պետական ծրագրեր է իրականացնում անօթևանների համար և չի կարող կողքից ինչ-որ մեկի ծրագրին աջակցել: Նրա խոսքով՝ պետությունը Գյումրիում իրականացրել և այսօր էլ իրականացնում է ծրագրեր անօթևանների համար:
Տեղեկություն կար, որ գյուղապետները դիմել էին մարզպետարան, որպեսզի նախկին մարզպետ Ֆելիքս Ցոլակյանին չտեղափոխեն: Այս հանգամանքը նոր մարզպետին ամենևին չի մտահոգում. «Գյումրու բնակիչ եմ, աշխատել եմ մարզպետարանում, գյուղապետներն ինձ շատ լավ ճանաչում են, հարգում են, բացարձակ խնդիր չեմ ունենալու»:
«Ուզում եմ դառնալ ոչ թե Շիրակի, այլ Շիրակի ժողովրդի մարզպետ,- նշեց Հովսեփ Սիմոնյանը,- մի գիշերում մարզը ոսկե մարզ չի կարելի դարձնել, բայց մարդկանց վստահությունը դեպի իշխանությունը, դեպի պաշտոնյան կարելի է վերականգնել, և մարզի ժողովուրդը շնորհակալություն կհայտնի:
Մանրամասները՝ տեսանյութում:
