ՀՀ Նախագահ Սերժ Սարգսյանը հրամանագրեր է ստորագրել Դիվանագետի օրվա առթիվ մի շարք դիվանագետների պարգևատրելու և դիվանագիտական աստիճաններ շնորհելու մասին:
Ինչպես տեղեկացրին ՀՀ արտաքին գործերի նախարարության մամուլի, տեղեկատվության եւ հասարակայնության հետ կապի վարչությունից, Դիվանագետի օրվա առթիվ, երկարամյա անբասիր գործունեության համար Հայաստանի Հանրապետության արտաքին գործերի նախարարի տեղակալ Աշոտ Արտեմի Հովակիմյանին պարգևատրել է «Հայրենիքին մատուցած ծառայությունների համար» 2-րդ աստիճանի մեդալով, Բելգիայի Թագավորությունում Հայաստանի Հանրապետության արտակարգ և լիազոր դեսպան Թաթուլ Խիկարի Մարգարյանին պարգևատրել «Հայրենիքին մատուցած ծառայությունների համար» 2-րդ աստիճանի մեդալով:
Դիվանագետի օրվա առթիվ, արդյունավետ և բարեխիղճ գործունեության համար Հայաստանի Հանրապետության արտաքին գործերի նախարարության մամուլի քարտուղար Տիգրան Կիմի Բալայանը պարգևատրել է Մխիթար Գոշի մեդալով, Հայաստանի Հանրապետության արտաքին գործերի նախարարության մամուլի, տեղեկատվության և հասարակայնության հետ կապերի վարչության պետի պաշտոնակատար Տիգրան Վանիկի Մկրտչյանը պարգևատրվել է Մխիթար Գոշի մեդալով, Հայաստանի Հանրապետության Նախագահի օգնական Վարուժան Վարդգեսի Ներսեսյանին պարգևատրել Մխիթար Գոշի մեդալով:
ՀՀ Նախագահ Սերժ Սարգսյանի հրամանագրով Հայաստանի Հանրապետության արտակարգ և լիազոր դեսպանի դիվանագիտական աստիճան է շնորհվվել Արտակ Ապիտոնյանին` Շվեդիայի Թագավորությունում Հայաստանի Հանրապետության արտակարգ և լիազոր դեսպան, Արաիկ Բադալյանին` ՀԱՊԿ գլխավոր քարտուղարի տեղակալ,
Արմեն Ղեվոնդյանին` Հայաստանի Հանրապետության արտաքին գործերի նախարարի խորհրդական, Ֆադեյ Չարչօղլյանին` Քուվեյթի Պետությունում Հայաստանի Հանրապետության արտակարգ և լիազոր դեսպան, Արմեն Պապիկյանին` Եվրոպայի խորհրդում Հայաստանի Հանրապետության մշտական ներկայացուցիչ:
Հայաստանի Հանրապետության արտակարգ դեսպանորդ և լիազոր նախարարի դիվանագիտական աստիճան է շնորհվել Հրայր Կարապետյանին` Սանկտ Պետերբուրգում Հայաստանի Հանրապետության գլխավոր հյուպատոս, Գագիկ Հովհաննիսյանին` Հայաստանի Հանրապետության արտաքին գործերի նախարարության սպառազինությունների վերահսկման և միջազգային անվտանգության վարչության ՆԱՏՕ-ի բաժնի խորհրդական, Հասմիկ Տոլմաջյանին` Շվեյցարիայի Համադաշնությունում Հայաստանի Հանրապետության դեսպանության արտակարգ դեսպանորդ և լիազոր նախարար:
