Գյումրիում ավերիչ երկրաշարժի հետքերը դեռևս չեն վերացել, այսօր էլ այնտեղ կան անօթևաններ և տնակներում բնակվող ընտանիքներ: Գյումրիում անօթևանության խնդիրը գոնե կարիքավորներից մի մասի համար լուծելու նպատակով գյումրեցի լուսանկարիչ Հայկ Բարսեղյանի նախաձեռնությամբ մոտ մեկ ամիս առաջ բրիտանական www.crowdfunder.co.uk կայքում բացվեց հաշվեհամար:
Նպատակն էր 8 շաբաթվա ընթացքում հավաքել 120 000 ֆունտ 13 գյումրեցի անօթևան ընտանիքների համար բնակարան ձեռք բերելու համար: Կայքում արդեն իսկ մեկնարկած հանգանակությամբ մինչ այժմ հավաքվել է մոտ 20 000 ֆունտ գումար:
SOS Գյումրի թիմի և մասնավորապես Հայկ Բարսեղյանի նախաձեռնությամբ այս նպատակով սկսվել է նաև բարեգործական միջոցառումների համալիր ծրագիր: Նախատեսվում է կազմակերպել նաև բարեգործական աճուրդ:
Ընդհանուր առմամբ արդեն հավաքվել է 60 000 ԱՄՆ դոլար:
Մանրամասները՝ տեսանյութում:
