Սմարթֆոնով կամ պլանշետով սոցցանցերում երկար ժամանակ անցկացնելը սպառնում է ոչ միայն ժամանակի կորստով, այլև վաղաժամ ծերության նշաններով: Այս մասին հայտարարել են ամերիկացի գիտնականները, որոնք հարցում են անցկացրել 35 տարեկանից մեծ 5340 մարդու շրջանում (33%-ը՝ տղամարդ, 65%-ը՝ կին)՝ Ֆրանսիայից, Իսպանիայից, Ռուսաստանից, Իտալիայից, Թայվանից, Հարավային Կորեայից: Այս մասին հայտնում է rosbalt.ru-ն:
Հարցվածների 3 քառորդը (76%) սմարթֆոն ունի: Նրանց մեկ երրորդը (33%) նշել է, որ օրական ավելի քան 2 ժամ անցկացնում է հեռախոսի էկրանի առաջ: Հարցվածների 80%-ը նշել է, որ մշտապես սոցցանցերում կամ մեսենջերներում կապի մեջ լինելու որոշակի անհրաժեշտություն են զգում:
Մասնակիցներին հարցրել են՝ «արդյոք զգացում ունե՞ք, որ սմարթֆոնի մշտական օգտագործումը կամ էկրանից կարդալը հանգեցնում են վաղաժամ ծերացման»: Հարցվածների 44,05%-ը դրականորեն է պատասխանել և նույնիսկ կոնկրետ նշաններ են թվել, որոնք նկատում են իրենց դեպքում:
10,37%-ը նայելով հայելու մեջ՝ դեմքի նորանոր կնճիռներ է հայտնաբերում, մասնավորապես՝ «սագի թաթիկներ» աչքերի շուրջը: 12,04%-ը նշում է միջհոնքային ծալքերի խորացում, 10,26%-ը՝ մաշկի առաձգականության կորուստ: Իսկ 55,95%-ը նման բան չի նկատում:
Մասնագետները կարծում են, որ շատ մարդիկ պարզապես չեն նկատում սեփական դեմքի փոփոխությունները սմարթֆոնով աշխատելիս: Ամենից հաճախ նրանք, ովքեր նայում են էկրանին, աչքերը կկոցում են կամ հոնքերը կիտում: Եվ դա լինում է երկար ժամանակ, ինչը չի կարող բացասաբար չազդել մաշկի վրա: Բժիշկները խորհուրդ են տալիս սահմանափակել սմարթֆոնների օգտագործումն իրավիճակներում, որոնք ստիպում են աչքերն ուժեղ կկոցել, օրինակ՝ արևի վառ լույսի տակ:
