Հռոմի պապ Ֆրանցիսկոսը ողջունել է Սիրիայի հրադադարի համաձայնությունները և հույս հայտնել, որ այդ քայլը թույլ կտա բանակցությունների և այդ երկրում խաղաղություն հաստատելու ճանապարհ բացել, հայտնում է RIA Novosti-ն:
«Ես հույսով դիմավորեցի Սիրիայում ռազմական գործողությունների դադարեցման մասին նորությունը»,- ասել է պապը ավանդական կիրակնօրյա Angelus պատարագի ժամանակ:
Վատիկանի Սուրբ Պետրոսի հրապարակում հավաքվածներին դիմելով՝ պապը բոլորին կոչ է արել աղոթել այն բանի համար, որ այդ քայլը կարողանա «թեթևություն բերել տառապող մարդկանց» և «օգնի նոր ճանապարհներ բացել բանակցությունների և այդքան ցանկալի խաղաղության համար»:
