Zham.am լրատվական կայքը այսօր հրապարակել է Րաֆֆի Հովհաննիսյան-Գագիկ Ծառուկյան առանձնազրույցի ձայնագրության սղագրությունը: Ըստ սղագրության մի հատվածի՝ Րաֆֆի Հովհաննիսյանը Ծառուկյանին առաջարկել է հնարավոր նոր արտահերթ խորհրդարանական ընտրություններում հանդես գալ միասնական` ԲՀԿ-«Ժառանգություն» ֆորմատով, որը կգլխավորեր հենց ինքը` Գագիկ Ծառուկյանը:
Այս կապակցությամբ «Առաջին լրատվական»-ը մեկնաբանություն խնդրեց «Ժառանգության» մամլո խոսնակ Հովսեփ Խուրշուդյանից. «Ես հիմա դրսում եմ՝ չեմ ծանոթացել հրապարակմանը, բայց ամեն դեպքում ասեմ, որ ես ամբողջ զրույցին ներկա չեմ եղել, նկատի ունեմ այն, ինչը եղել է հանդիպման երկրորդ մասում, բայց, համենայնդեպս, այն ընթացքում, ինչին ես եմ մասնակցել, նման բան չի եղել»,- ասաց նա:
Մեր հարցին՝ եթե ներկա չի եղել, ապա տեղեկությո՞ւն էլ չունի, Հովսեփ Խուրշուդյանը պատասխանեց. «Ոչ տեղեկություն չունեմ»: