Բուլղարիայի նախկին վարչապետ Պլամեն Օրեշարսկին PR քայլ է համարել գործող վարչապետ Բոյկո Բորիսովի՝ փամփուշտով ծրար ստանալու մասին տեղեկատվությունը: Այս մասին հայտնում է Novinite պորտալը:
«Եթե ես փամփուշտով նամակ ստանայի, դրա մասին ոչ ոք չէր իմանա՝ բացի հատուկ ծառայություններից»,- ասել է նա հեռուստաեթերում:
Նա ենթադրել է, որ Բորիսովը գործում է Բրյուսելի ճնշման ներքո, և հիշեցրել, որ Բուլղարիայի մասին Բրյուսելի առաջին զեկույցը ավելի քննադատական է եղել, քան Ռումինիայի մասին:
«Իմ մանդատի ժամանակ պարզ էր՝ ինչպես են ընդունվում որոշումները, ավելի հստակ սահմանազատում կար իշխանությունների միջև: Այժմ այդ քառակազմ կոալիցիայից հանրությունը ոչինչ չի հասկանում»,- ասել է Օրեշարսկին:
