Հայտնի է, որ հաճախ բացասական տղամարդկային կերպարը կանանց ավելի շատ է գրավում, քան դրականը, հայտնում է meddaily.ru-ն:
Գիտնականները որոշել են պարզել, թե հատկապես որ բացասական հատկություններն են գրավում կանանց և ինչու: Որպես հիմք ընդունվել են հետևյալ գծերը` նարցիսիզմը, մաքիավելիզմը և պսիխոպատիան: Հոգեբանները այդ երեք հատկությունները միավում են այսպես կոչված «մութ եռյակում»:
Նարցիսիզմը ենթադրում է հպարտություն և ինքնասիրահարվածություն, մաքիավելիզմը` մանիպուլյացիայի սեր, ցինիզմ և բարոյականության արհամարում, իսկ փսիխոպատիան ենթադրում է իմպուլսիվություն, քարասրտություն և եսասիրություն:
Տղամարդկանց այդ գծերը կանանց կարող են գրավել էվոլյուցիոն մեխանիզմի պատճառով: Որպես կանոն կանայք ցեղը շարունակելու համար փնտրում են հոգեպես առողջ, ֆիզիկապես ամուր և արտաքինից գրավիչ տղամարդկանց: Ինչպես ցույց է տվել 2370 կանանց հետազոտությունը, «մութ եռյակի» տղամարդկանց դիմագծերը հաճախ հիշեցնում են այդպիսիներին:
