Իտալիայում իրականացված նոր հետազոտության հեղինակները հայտարարել են, որ բջջային հեռախոսներով զրույցները բարձրացնում են զարկերակային ճնշման մակարդակը: Հարկ է նշել, որ հենց այդ ցուցանիշով են բժիշկները որոշում հիվանդների մոտ սրտանոթային հիվանդությունների զարգացման հավանականությունը: Ինչպես հայտնի է, նորմալ զարկերակային ճնշումը 20 և ավելի տարիք ունեցող մարդկանց համար 120/80 է:
Հետազոտողները նաև հայտնաբերել են, որ այն հիվանդները, ովքեր օրական 30 զանգ են ստանում, որոշակի իմունիտետ են ձեռք բերել զարկերակային ճնշման բարձրացման նկատմամբ: Իտալացի բժիշկ Ջուզեպպե Կրիպը հայտարարել էր, որ զարկերակային բարձր ճնշումը հիմնականում գրանցվում է ավելի տարեց մարդկանց մոտ, այն դեպքում, երբ երիտասարդները ընդունակ են «փակվել» հեռախոսով հաղորդվող բացասական տեղեկատվությունից:
Այսպես կոչված՝ իմունիտետի մեկ այլ պատճառն այն է, որ հեռախոսից ակտիվ օգտվողների համար ավելի հանգիստ է, երբ այն միացված է, ինչը կրճատում է սթրեսի մակարդակը: Հարկ է նշել, որ 24 ժամվա ընթացքում արյան ճնշման տատանումները սրտանոթային հիվանդությունների զարգացման հիմնական գործոնն են:
