Իտալացի տաղանդավոր ֆուտբոլիստ, Թուրինի «Յուվենթուս»-ի և Իտալիայի ազգային հավաքականի կիսապաշտպան Անդրեա Պիրլոն այսօր 34 տարեկան է դառնում:
Իր կարիերայի ընթացքում Պիրլոն խաղացել է այնպիսի ակումբների կազմում, ինչպիսիք են «Բրեշիա»-ն, «Ինտերնացիոնալ»-ը, «Ռեջինա»-ն, «Միլան»-ը և «Յուվենթուս»-ը:
Ֆուտբոլիստը բազմաթիվ մրցանակներ է նվաճել: Նա դարձել է աշխարհի` 2006 թվականի չեմպիոն, երկու անգամ նվաճել Չեմպիոնների Լիգայի գավաթը (2002/03, 2006/07), չորս անգամ դարձել Իտալիայի չեմպիոն (2003/04, 2010/11, 2011/12, 2012/13): Պիրլոն Իտալիայի գավաթակիր է դարձել 2002/03 թվականների մրցաշրջանում, ՈւԵՖԱ-ի` 2003 և 2007 թվականներին, մեկ անգամ`2007 թվականին նվաճել է աշխարհի ակումբային առաջնության չեմպիոնի տիտղոսը:
