ԱՄՆ նախագահ Բարաք Օբաման չի պատրաստվում մարտին Կուբա այցի ժամանակ ուղևորվել Գուանտանամոյում գտնվող ամերիկյան ռազմածովային ուժերի բազա, որտեղ տեղակայված է ահաբեկչության մեջ կասկածվողների համար նախատեսված զինվորական բանտը։ Այս մասին հայտարարել է Սպիտակ տան մամլո քարտուղար Ջոշ Էռնեստը։
Օբաման ծրագրում է Կուբա այցելել մարտի 20-21-ը։ Նա կդառնա մոտ 90 տարում ԱՄՆ գործող առաջին նախագահը, ով կլինի Կուբայում։
«Ես նախագահի ուղևորության հստակ գրաֆիկը չունեմ, սակայն չեմ կարծում, թե նա Գուանտանամո կայցելի»,- ասել է Էռնեստը։
