Եթե հարցում անեք, թե մեր ժողովրդից որքանը կուզեին գնալ մեր երկրից, սարսափելի թվեր կստանաք: Մեծ մասը չի գնում հնարավորություն չունենալու պատճառով կամ երկյուղելով, որ գուցե տեղափոխվելով՝ չկարողանա իր սոցիալական խնդիրները լուծել: Այս մասին «Առաջին լրատվական»- ի հետ զրույցում ասաց քաղաքական վերլուծաբան, գրող Արծրուն Պեպանյանը:
Ինչո՞ւ են հայրենիքից արտագաղթում հայերը, փոխանակ միաբանվելու և կարգի բերելու իրենց երկիրը, և երջանիկ կյանք ունենալու հենց իրենց երկրում. Արծրուն Պեպանյանն անդարադարձավ այս հարցին՝ փորձելով ներկայացնել արտագաղթի հիմնական պատճառները և նշելով ամոքիչ քայլեր՝ տարբերակներ այս գործընթացը եթե ոչ դադարեցնելու, ապա գոնե նվազեցնելու համար:
«Պարտադիր պայման է հոգեբանական պայթյուն, դրական ցնցում առաջացնելը, և դրանից օգտվելով՝ մարդկանց տանել առաջ: Օրինակ՝ Բաղրամյանի դեպքերով մեր ժողովուրդը ցույց տվեց, որ ինքը լինելով բարդ իրավիճակներում, հոգու խորքում պահել է լավ հատկանիշների համակարգը, և բավական է ազդակ, և ինքը կբացվի:
«Հին քաղաքական խավը կանցնի պատմության գիրկը, և կգան մարդիկ, ովքեր կոնկրետ քայլեր կառաջացնեն»,- նշեց Արծրուն Պեպանյանը՝ հույս հայտնելով, որ մենք ստեղծելու ենք համահայկական մեծ տարածք, աշխարհի մասշտաբով խնդիրներ ենք դնելու և լուծելու, և մեր կարծիքը հաշվի են առնելու:
Մանրամասները՝ տեսանյութում:
