Գերմանիայի և Ֆրանսիայի ԱԳՆ ղեկավարներ Ֆրանկ-Վալտեր Շտայնմայերը և Ժան-Մարկ Էյրոն փետրվարի 22-ին համատեղ այց կկատարեն Կիև: TASS-ի հաղորդմամբ՝ այս մասին ուրբաթ մամլո ասուլիսի ժամանակ հայտնել է Գերմանիայի ԱԳՆ ներկայացուցիչ Մարտին Շեֆերը:
«Ուղևորության նպատակն է՝ միասին տեղում կազմել երկրում քաղաքական մթնոլորտի պատկերը»,- ասել է նա: Շեֆերը հայտնել է, որ սպասվում են հանդիպումներ Ուկրաինայի նախագահի, վարչապետի, ԱԳՆ ղեկավարի, խորհրդարանական խմբակցությունների ղեկավարների հետ:
«Այդ ուղևորությունը միասնական գերմանա-ֆրանսիական, եվրոպական արտաքին քաղաքականության և Եվրոպայում խաղաղության ապահովման գործում մեր ջանքերի ազդանշան է»,- նշել է Շեֆերը:
