ԱՄՆ իշխանությունները չեն սահմանափակվի միայն մեկ iPhone-ի կոտրմամբ, նրանք կձգտեն հասնել ընկերության բոլոր սարքերի նկատմամբ լիարժեք հասանելիության՝ Twitter սոցցանցում գրել է ամերիկյան հատուկ ծառայությունների նախկին աշխատակից Էդվարդ Սնոուդենը։ Այս մասին փոխանցում է TASS գործակալությունը։
«Դա տասնամյակի ընթացքում ամենակարևոր գործն է, որն առնչվում է տեխնոլոգիաներին»,- այդպես է նա մեկնաբանել ԱՄՆ դատարանի որոշումը, համաձայն որի՝ Apple ընկերությունը պետք է օգնի Հետաքննությունների դաշնային բյուրոյին կոտրելու iPhone սմարթֆոնը, որը պատկանում է Սան Բեռնարդինոյի (Կալիֆոռնիա) ոչնչացված ահաբեկիչ Սայիդ Ֆարուքին։
Հիշեցնենք, որ նա դեկտեմբերի 2-ին մասնակցել էր քաղաքում հաշմանդամների կենտրոնի վրա հարձակմանը, ինչի հետևանով զոհվել էր 14, վիրավորվել 20-ից ավելի մարդ։
«Այն տեխնոլոգիական մոդիֆիկացիաները, որոնք պահանջում է Հետաքննությունների դաշնային բյուրոն, հնարավոր են դարձնում 5S և ավելի բարձր մոդելի կոտրումը կես ժամում»,- հավելել է Սնոուդենը։
