Հնդկական Ringing Bells ընկերությունը ներկայացրել է նոր սմարթֆոն՝ Freedom 251, որն արժե 251 ռուփի՝ մոտ 4 դոլար: Այս մասին հաղորդվում է պաշտոնական կայքում:
Սկզբում ենթադրվում էր, որ սարքը կարժենա մոտ 500 ռուփի՝ 7 դոլար:
Հաղորդվում է, որ հնդկական սմարթֆոնը պարզապես Android 5.1 Lollipop օպերացիոն համակարգով հեռախոս չէ: Դա սարք է, որն ունի 4-միջուկանի պրոցեսոր՝ 1,3 ԳՀց տակտային հաճախականությամբ, 4-դյույմանոց qHD ձևաչափի էկրան, 1 ԳԲ օպերատիվ և 8 ԳԲ ներդրված հիշողություն: Սմարթֆոնը նաև մինչև 32 ԳԲ ծավալով սլոթ ունի microSD-ի համար:
Freedom 251-ը նաև ունի 3,1 Մպ-անոց հիմնական և 0,3 Մպ-անոց դիմային տեսախցիկ: Սմարթֆոնն աշխատում է 3G ցանցերում, ունի Bluetooth և Wi-Fi մոդուլներ:
Մարտկոցի ծավալը 1450 մԱժ է:
Հայտնի է, որ Freedom 251 սմարթֆոնը մշակվել է պետական աջակցությամբ, ինչով էլ բացատրվում է գաջետի ցածր գինը:
