ՊՍԺ-ի կիսապաշտպան Մարկո Վերատին հայտարարարել է, որ թիմը հիանալի տրամադրվածությամբ է մոտենում Չեմպիոնների լիգայի գավաթի խաղարկության 1/8 եզրափակչի Լոնդոնի «Չելսի»-ի դեմ խաղին: Կիսապաշտպանը նշել է, որ Ֆրանսիայի չեմպիոնները հաղթանակ տանելու նպատակ ունեն:
«Վերջին արդյունքները վստահություն են ներշնչում, և այս խաղին դրական մոտեցում ունենք: Երկար ենք սպասել այս դիմակայությանը: Հասկանելի է, որ քառորդ եզրափակչի ուղեգրի ճակատագիրը կվճռվի երկու դիմակայությունների արդյունքում, սակայն «Չելսի»-ի դեմ առաջին խաղը մեծ նշանակություն կունենա:
Շատ դժվար է հաղթանակ տանել Չեմպիոնների լիգայում: Սակայն շատերս արդեն 2-3 տարի է կողք-կողքի ենք խաղում, հիանալի գիտենք միմյանց և լավ ենք համագործակցում խաղադաշտում»,- Le Parisien-ը մեջբերում է Վերատիի խոսքերը:
