Բրիտանացի դերասանուհի Քեյթ Ուինսլեթը պատմել է, որ դպրոցի դրամատիկ արվեստի ուսուցիչն իրեն խորհուրդ է տվել պատրաստվել գեր կանանց դերերի, հայտնում է NME-ն: Այդ պատմությունն Ուինսլեթը Լոնդոնում փետրվարի 14-ին BAFTA մրցանակաբաշխության ժամանակ բերել է որպես կինոյում և թատրոնում սեքսիզմի օրինակ:
«Եթե դուք երիտասարդ աղջիկ եք, և ձեզ այդ կերպ նվաստացնում են ուսուցիչները կամ նույնիսկ ընկերները կամ ծնողները, վարվեք ինչպես ես՝ մի լսեք նրանց և առաջ շարժվեք: Հենց այդպես էլ ես արեցի ու հետագայում կարողացա հաղթահարել իմ վախերն ու անվստահության զգացումը»,- ասել է դերասանուհին:
Ուինսլեթը Բրիտանական կինոակադեմիայի մրացանակի է արժանացել Դենի Բոյլի «Սթիվ Ջոբս» ֆիլմում երկրորդ պլանի դերի համար: Այդ դերի համար նա նաև «Օսկարի» է առաջադրվել:
