Ադրբեջանական Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևը Մյունխենի անվտանգության կոնֆերանսի շրջանակներում հանդիպել է Գերմանիայի արտգործնախարար Ֆրանկ Վալտեր Շտայնմայերի հետ։
Հանդիպման ժամանակ կողմերը գոհունակություն են հայտնել երկու երկրների միջև կապերի հաջող զարգացման կապակցությամբ, ընդգծել են նման այցերի ու հանդիպումների կարևորությունը՝ հարաբերությունների հետագա զարգացման համար։
Հանդիպման ժամանակ քննարկվել են տնտեսական բնույթի մի շարք հարցեր, այդ թվում՝ նաև նավթի գնանկումը։ Քննարկվել են նաև ԵԱՀԿ-ի, ուր այս տարի նախագահում է Գերմանիան, ու Ադրբեջանի միջև համագործակցության հարցերը, ինչպես նաև Ղարաբաղյան հակամարտության կարգավորման հարցը։
