Իսպանացի պետական ծառայողը 30 հազար դոլարով տուգանվել է այն բանից հետո, երբ առնվազն 6 տարի աշխատանքի չի գնացել: Այս մասին հայտնում է Independent-ը:
Հոակին Գարսիայի բացակայությունը նկատվել է միայն այն ժամանակ, երբ նա պետք է հավելավճար ստանար 20 տարվա ծառայության համար:
Գարսիային ավելի քան 30 հազար դոլար են վճարել տարեկան ջրամատակարարման ընկերությունում, որը եղել է Կադիս քաղաքի իշխանությունների վերահսկողության տակ:
Դատարանում հայտնի է դարձել, որ ընկերության ղեկավարը նրան չի տեսել մի քանի տարի, թեև նրա գրասենյակը եղել է Գարսիայի աշխատասենյակի դիմաց:
Ընկերությունում կարծել են, որ նրա աշխատանքին հետևում են տեղի իշխանությունները, իսկ վերջիններս, իրենց հերթին, վստահ են եղել հակառակում:
Գարսիան հերքում է մեղադրանքները և պնդում, որ ամեն օր գնացել է աշխատանքի, պարզապես այնտեղ ոչինչ չի ունեցել անելու: Այդ պատճառով հիմնականում ժամանակն անցկացրել է Սպինոզայի փիլիսոփայությունը կարդալով:
Այդուհանդերձ, դատարանը նրան տուգանել է, որը կազմում է նրա տարեկան աշխատավարձը:
