Քենիայի ոստիկանությունը փնտրում է 40 տղամարդու, ովքեր փախել են երկրի խոշորագույն հոգեբուժական կլինիկայից: Այն գտնվում է մայրաքաղաք Նաիրոբիում՝ հայտնում է BBC-ն:
«Մաթհարի» հիվանդանոցից զանգվածային փախուստը տեղի էր ունեցել խռովությունից հետո, որին մասնակցել էր ավելի քան 70 հիվանդ:
Ոստիկանությունը նախազգուշանում է, որ նրանցից ոմանք առանձնանում են ագրեսիվությամբ:
Երկու տարի առաջ մի քանի իրավապաշտպան կազմակերպություններ հանդես եկան այդ բուժհաստատությունում հիվանդների պահման պայմանների քննադատությամբ՝ այն բանից հետո, երբ տեղի հեռուստատեսությունը ցուցադրեց ռեպորտաժ՝ պատմելով, թե ինչպես են հիվանդներից մեկին դիակի հետ փակված պահել խցերից մեկում:
Իրավապաշտպանները հայտնել են նաև հիվանդների բռնաբարության դեպքերի մասին:
