ԱՄՆ նախագահ Բարաք Օբամայի և Մեծ Բրիտանիայի վարչապետ Դևիդ Քեմերոնի՝ այսօր Վաշինգտոնում կայանալիք հանդիպման գլխավոր թեմաներն են Սիրիայում տիրող իրադրությունն ու «մեծ ութնյակի» գագաթնաժողովի նախապատրաստությունը: Այս մասին հայտնում է ITAR-TASS-ը:
Դևիդ Քեմերոնը ԱՄՆ կժամանի Ռուսաստան այցից հետո, որտեղ ավելի վաղ հանդիպել էր նախագահ Վլադիմիր Պուտինին: ԱՄՆ-ի մայրաքաղաքում բրիտանացի վարչապետը պետք է համաձայնեցնի Սիրիայի հարցով միջազգային համաժողովի գումարման պայմանները: Համաժողովի անցկացման մասին պայմանավորվածությունը ձեռք էր բերվել մայիսի 7-ին՝ Մոսկվայում, Սերգեյ Լավրովի և Ջոն Քերիի բանակցությունների արդյունքում:
Ի դեպ, ամերիկյան քաղաքական էլիտայում միասնական չէ կարծիքը սիրիական հարցի և դրա լուծման մեջ ԱՄՆ-ի մասնակցության վերաբերյալ:
