Լյուդվիգսբուրգի Ազգայնական-սոցիալիստների գործած հանցանքների հետաքննման գերմանական կենտրոնը (ԱՍԳՀՀԳԿ) նախնական հետաքննություն է սկսել Օսվենցիմի համակենտրոնացման ճամբարի՝ Գերմանիայի տարածքում ապրող 49 հսկիչների նկատմամբ: Այս մասին այսօր լրագրողներին հայտնել է ԱՍԳՀՀԳԿ ղեկավար Կուրտ Շրիմը: «Նրանք կասկածվում են սպանություններին աջակցելու մեջ»,- նշել է նա:
«Ներկա դրությամբ մենք ստուգում ենք, թե այդ մարդիկ անցե՞լ են որևէ քրեական գործով, և մտադիր ենք պարզել, թե արդյո՞ք ճշիտ են մեր տեղեկությունները նրանց բնակության վայրի վերաբերյալ»,- նշել է կենտրոնի ղեկավարը:
Նրա խոսքերով՝ կենտրոնը կպարզի, թե նրանք ինչ պաշտոն են զբաղեցրել ճամբարում, և քանի մարդ է բնակվել Օսվենցիմում այդ ընթացքում: Այնուհետև կասկածյալների գործերը կփոխանցվեն դատախազություն, որը նման դեպքերում պատասխանատու է անհրաժեշտ փաստերի ձեռք բերման նպատակով հետաքննություն անցկացնելու համար։
Ապրիլին կենտրոնը հաղորդել էր, որ 2011 թ. Ջոն Դեմյանյուկի նկատմամբ դատավճիռը նախադեպ դարձավ, որպեսզի համապատասխան մարմինները քրեական գործեր հարուցեն համակենտրոնացման ճամբարների պահապանների նկատմամբ նույնիսկ այն դեպքում, եթե վկաների բացակայության պայմաններում անհնար է ապացուցել նրանց մասնակցությունը հանցագործությանը:
