Կիրակի օրը՝ մայիսի 12-ին բրիտանական British Petroleum ընկերության ղեկավարությունն իր աշխատակիցներին Լիբիայից տարհանելու որոշում է կայացրել: BP-ի այս քայլը պայմանավորված է երկրում իրավիճակի վատթարացման վերաբերյալ Բրիտանիայի ԱԳՆ-ի նախազգուշացմամբ:
Ավելի վաղ Բրիտանիայի դեսպանատունը Լիբիայից տարհանել էր իր աշխատակիցների մի մասին: Միացյալ Թագավորության ԱԳՆ-ն իր քաղաքացիներին խորհուրդ է տվել Լիբիա չմեկնել, փոխանցում է Интерфакс գործակալությունը:
Մինչդեռ Բենղազիում ոստիկանական բաժինների վրա հերթական հարձակումն է տեղի ունեցել, այս անգամ գրոհայինները հարձակվել են ոստիկանական երկու բաժինների վրա: Չնայած Լիբիայի իշխանությունների ջանքերին, երկրում դեռ անվտանգ չէ:
