Լոնդոնի և Նյու Յորքի բորսաներում էլեկտրոնային առևտրի ընթացքում նավթի համաշխարհային գները նվազել են: Այդ մասին են վկայում առևտրի տվյալները՝ հայտնում է korrespondent.net-ը:
Նյու Յորքի ապրանքային բորսայում (NYMEX) WTI տեսակի նավթի մարտյան ֆյուչերսների արժեքը նվազել է 5,09%-ով՝ 1 բարելի դիմաց մինչև 30,01 դոլար:
Լոնդոնյան ICE Futures բորսայում Brent հյուսիսծովյան նավթային խառնուրդի ապրիլյան ֆյուչերսների արժեքը նվազել է 4,38%-ով՝ 1 բարելի դիմաց մինչև 32,74 դոլար:
Հիշեցնենք, որ միջազգային վարկանիշային Standard & Poor’s գործակալության կանխատեսումներով՝ տարվա մնացած հատվածում Brent տեսակի նավթի միջին գինը մեկ բարելի դիմաց կկազմի 40 դոլար:
