Ուժգին ձայնային հարվածները, որոնք գրանցվել են ԱՄՆ հյուսիսարևելյան ափին և խուճապ առաջացրել տեղի բնակիչների մոտ, եղել են 5-րդ սերնդի F-35 կործանիչի փորձարկումների հետևանք։ Կործանիչները զարգացնում են ժամում 1900 կմ արագություն։ Այս մասին հայտնում է AP գործակալությունը՝ հղում անելով բանակի ներկայացուցիչներին։
ԱՄՆ Երկրաբանական ծառայությունը հայտնել է 9 ձայնային հարվածների մասին, որոնք 1.5 ժամվա ընթացքում տեղի են ունեցել Նյու Ջերսի և Կոնեկտիկուտ նահանգների ափերին։
Տեղի բնակիչները սոցցանցերում գանգատվել են դղրդյունից։ Ոմանք կարծել են, թե երկրաշարժ է, մյուսները սոցցանցերում տեղադրել են կադրեր ծովից դուրս եկող Գոդզիլլայով։
