Մադրիդի «Ռեալի» նախկին հարձակվող, Արգենտինայի ու Իսպանիայի հավաքականների նախկին լեգենդար ֆուտբոլիստ Ալֆրեդո դի Ստեֆանոյի երեխաները դատարան հայց են ներկայացրել նրան անգործունակ ճանաչելու պահանջով:
Նրանք նման որոշում են կայացրել այն բանից հետո, երբ 86-ամյա Դի Ստեֆանոն ցանկություն հայտնեց ամուսնանալ իրենից 50 տարով փոքր կնոջ հետ: Ֆուտբոլիստի խոսքով՝ ինքը մտադիր է հաջորդ ամիս ամուսնանալ 36-ամյա կոստառիկացի Խինա Գոնսալեսի հետ:
Իսպանիայի դատարանը գործ է հարուցել ու մոտ ապագայում կնշանակի դատահոգեբուժական փորձաքննություն: Օրենքի համաձայն՝ քաղաքացիները անգործունակ են ճանաչվում դատարանի կողմից՝ հիվանդի ընտանիքի անդամների հայտարարության կամ խնամակալության մարմինների կողմից: Եթե դատարանը Դի Ստեֆանոյին ճանաչի անգործունակ, նրա համար կնշանակվի խնամակալ:
Դի Ստեֆանոն փայլել է 1940-1960-ականներին: Նա երկու անգամ չեմպիոն է դարձել Արգենտինայում, երեք անգամ՝ Կոլումբիայում և 8 անգամ՝ Իսպանիայում, 5 անգամ հաղթել է եվրոպական առաջնությունների գավաթը:
1957 և 1959 թվականներին նա ճանաչվել է Եվրոպայի լավագույն ֆուտբոլիստ, հայտնում է ITAR-TASS-ը:
