ԱԺ ՀԱԿ խմբակցության պատգամավոր, ՀԺԿ նախագահ Ստեփան Դեմիրճյանն այսօր Հայ ազգային կոնգրեսի հետ միասին եկել էր «Հաղթանակ» զբոսայգի:
Լրագրողների հետ զրույցում Դեմիրճյանը նշեց, որ զոհված ազատամարտիկների ընտանիքների, պատերազմի վետերանների նկատմամբ պետությունը պետք է առանձնահատուկ հոգատարություն ցուցաբերի: Պատգամավորի գնահատմամբ՝ այդ առումով վիճակը չի կարել բարվոք համարել:
«Այսօրվա մեր առաջնահերթ խնդիրը երկրում քաղաքացիների արժանապատիվ կյանք ապահովելն է, և պետք է սկսել արտագաղթի կասեցումից»,- նշեց նա:
Պարոն Դեմիրճյանը շնորհավորեց կրկնակի տոնի` Շուշիի ազատագրման և Հայրենական մեծ պատերազմում տարած հաղթանակի կապակցությամբ, իսկ ՀԱԿ-ի հետ կապված հարցերին չպատասխանեց:
