Վաշինգտոնում ԱՄՆ նախագահ Բարաք Օբամայի և Մեծ Բրիտանիայի վարչապետ Դևիդ Քեմերոնի հանդիպման գլխավոր թեմաներն են Սիրիայում տիրող իրավիճակն ու «մեծ ութնյակի» գագաթնաժողովի նախապատրաստությունը: Այս մասին հայտնել է Սպիտակ տան պաշտոնական ներկայացուցիչ Ջեյ Քարնին: Նրա խոսքով՝ հանդիպումը տեղի կունենա մայիսի 13-ին՝ հայտնում է ITAR-TASS-ը:
«Նախագահը նախատեսում է վարչապետի հետ քննարկել Սիրիայում տիրող իրավիճակը, առևտրա-տնտեսական համագործակցությունը, ահաբեկչության դեմ պայքարը, ինչպես նաև հունիսին Հյուսիսային Իռլանդիայում կայանալիք «մեծ ութնյակի» առաջիկա գագաթնաժողովի առաջնահերթությունները»,- ասվում է հաղորդագրության մեջ: Դրանում ընդգծվում է, որ Օբաման պատրաստվում է այցելել այդ գագաթնաժողովին:
«Վարչապետի այցն ընդգծում է ԱՄՆ-ի և Մեծ Բրիտանիայի միջև առկա հատուկ հարաբերությունները: Դրանք ծայրաստիճան կարևոր են անվտանգության ոլորտում մեր ընդհանուր նպատակների իրականացման համար»,- նշվում է հաղորդագրության մեջ:
