Ռուսական RIA Novosti լրատվական գործակալության փոխանցմամբ՝ Մոլդովայի ընդդիմության ներկայացուցիչները Քիշնևում ընթացող բազմահազարանոց հանրահավաքի ժամանակ վերջնագիր են ներկայացրել երկրի իշխանություններին։
Նրանք խոստացել են փակել միջազգային ու ազգային նշանակության ճանապարհները, եթե իրենց պահանջները չբավարարվեն մինչև հունվարի 28-ը։ Ոստիկանության տվյալներով՝ Մոլդովայի մայրաքաղաքի հրապարակում բողոքի ակցիային մասնակցում է 20.000, իսկ ընդդիմության հաշվարկներով՝ 100.000 մարդ։ Քիշնևի կենտրոնական փողոցներում ամբողջովին կասեցվել է տրանսպորտի երթևեկությունը։
